Trowch hi rownd!

23 Aws

Nid Tu Chwith yw’r unig gylchgrawn sy’n cynnwys tipyn o du-chwithdod.  Dyma geisio esbonio drwy’r hen flog yr hyn yr wyf wedi ei esbonio i nifer o gyfeillion. Os darllenwch fy ysgrif (DGJ) ar yr ‘Hen Bwnc Amhoblogaidd’ yn rhifyn cyfredol  Y Faner Newydd, efallai y teimlwch fod y drafodaeth yn colli’r trywydd ac yn gorffen yng nghanol rhyw gae rwdins.  Byddwch yn iawn!  Ffeiriwch y ddwy golofn ar dudalen 47 ac fe gewch oleuni!  Ie, cythraul y wasg yntê.  Peri meddwl braidd am y sefyllfa ddiarhebol yn y pictiwrs ers talwm, y rheolwr wedi cymysgu dwy rîl, y trancedig yn ymddangos yn y darn olaf yn fyw ac iach, a’r llais hwnnw’n gweiddi o’r seti swllt:  “mae o wedi’i chael hi ers meityn, hogia !”  Gobeithio y cawn weld y fersiwn gywir yn YFN cyn bo hir; yn y cyfamser gellir darllen yr un stori, fwy neu lai, yn archif Mawrth, y blog hwn.

(Gyda llaw, darllen yn Y Cymro, 2 Awst, am bwnc hyd yn oed mwy amhoblogaidd na’r hen Gymraeg druan. Addysg Grefyddol yw hwnnw, “y pwnc lleiaf buddiol” yn ôl arolwg a wnaed drwy’r Deyrnas. O, wel, newydd da i Gristnogion, mwy o le yn y nefoedd.)

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

%d bloggers like this: